第一集 乜嘢係「南音」？
「男音」？「藍音」？「南音」？究竟乜嘢喺「南音」？小朋友Sophia、靖天和恭梓跟住雪姐姐，認識「南音」嘅由來同特色——邊講故事邊唱歌。阮兆輝輝叔叔教大家即興作吓南音，仲同大家分享《齊齊食飯歌》，最後更頒布人人都可以參與嘅任務添！
第二集 南音BB班
講到要唱歌又點少得樂器彈奏音樂呢？除咗用古箏、椰胡同洞簫伴奏，仲有用嚟數拍子嘅「板」！演唱者更可以利用時快時慢嘅節奏，配合一板三叮嘅節拍，表現出歌曲嘅唔同情緒。大家學會數拍子後，就可以跟住阮兆輝輝叔叔清唱嘅《客途秋恨》，與輕快嘅《齊齊食飯歌》挑戰下啦！
